Në tetorin e vitit 2019, një komision ad-hoc i Kuvendit të Kosovës dhe i përbërë nga deputetët, i kishte eleminuar nga gara për anëtar bordi të RTK’së 10 kandidatë.

Emra të njohur të gazetarisë, publicistikës dhe artit, ishin eleminuar nga gara me një arsyetim të shkurtër – “është pensionist”. Avni Spahiu, Agim Kasapolli, Agim Sopi, Afrim Spahiu, Bardh Frangu, Enver Maloku, Enver Petrovci, Fadil Hysaj, Gani Mehmetaj dhe Rushit Ramabaja – ishin eleminuar nga gara për t’u bërë anëtar të Bordit të Radio Televizionit të Kosovës, raporton KFVA.

Por, ndryshe nga Kuvendi i Kosovës që s’kishte lejuar që ‘pensionistët’ të zgjidheshin anëtar të Bordit të RTK-së, është duke vepruar presidentja e Kosovës, Vjosa Osmani.

Që nga 5 qershori, përfaqësues i partisë së Albin Kurtit në KQZ-së, Sami Kurteshi, ka arritur moshën e pensionimit, por ky fakt vazhdon të mos përbëjë asnjë problem për presidenten e Kosovës, Vjosa Osmani që duket se ka vendosur të mos respektojë Ligjin e Punës në Kosovë.

Në Ligjin e Punës në Kosovë thuhet se marrëdhënia e punës ndërpritet kur i punësuari mbush moshën e pensionimit, prej 65 vjeç.

Presidentja Osmani ka organizuar ceremoninë e betimit të anëtarëve të KQZ-së në mes të muajit maj, vetëm disa ditë para se Kurteshi të arrijë pensionimin, i njohur për sjelljet e tij arrogante në raport me mediat dhe sidomos për përplasjet e shpeshta në Qendrën e Numërimit dhe Rezultateve gjatë numërimit të votave në zgjedhjet e fundit.

Deri më tani, Osmani nuk ka sqaruar publikisht se në cilin ligj është mbështetur për emërimin e Kurteshit anëtar të KQZ-së.

 /P