by kfvanews
Share
by kfvanews
Share
Zyrtarja e Urbanizmit në Komunën e Prizrenit, Shpresa Osmanollaj, është ndaluar për 48 orë me aktvendim të Prokurorisë Themelore në Prizren.
Osmanollaj dyshohet për kryerjen e veprës penale “Keqpërdorim i detyrës zyrtare”.
Ndalimi i saj është bërë pas raportimit “Loja me numra për fitimin e lejeve ndërtimore”, shkruan betimi për drejtësi.
Hulumtimi ngrit dyshimet se Osmanollaj si zyrtare e Urbanizmit, kundërligjshëm kishte lëshuar lejen ndërtimore për objektin banesor “Lirimi 2” me një parcelë e cila ishte shfrytëzuar për kushtet teknike dhe lejen ndërtimore të objektit banesor “Lirimi 1”.
Në një përgjigje të dhënë përmes telefonit, Osmanollaj kishte mohuar se ishte shfrytëzuar parcela e njëjtë për të dy lejet ndërtimore, duke deklaruar se e para ishte lëshuar me Ligjin për Ndërtim, ndërsa leja e dytë me Hartën Zonale të Prizrenit.
Mirëpo, veprimet e Osmanollajt nuk kishin përfunduar vetëm me lëshimin e lejes ndërtimore.
Ajo kishte lëshuar certifikatën për përdorimin e objektit “Lirimi 1”, përkundër se objekti kishte pasur tejkalim të lejes ndërtimore, duke ndërtuar dhe një penthouse.
Madje, për këtë ndërtim pa leje, Drejtoria e Inspektorateve kishte ushtruar kallëzim penal në prokurori shtatë muaj para se Osmanollaj t’i lëshonte certifikatën e përdorimit.
Në anën tjetër, Osmanollaj aktualisht është nën hetime nga Prokuroria Themelore në Prizren edhe për lëshimin e lejes ndërtimore të objektit banesor dhe afarist “Albanica Home”, me pasi të njëjtit i kishte mundësuar ndërtimin e dy kateve më shumë sesa parashihen me Hartën Zonale.
Kësisoj, duke i mundësuar fitim milionësh, vëllait të shefit të kabinetit të kabinetit të kryetarit të komunës, Nehat Elshani, Albert Elshanit.
Për këtë, prokurorja e rastit, Ervehe Gashi, në një intervistë për “Betimi për Drejtësi” ka deklaruar se janë në pritje të ekspertizës.
Në luftën ajrore midis Izraelit dhe Iranit, vendet arabe e gjejnë veten duke reaguar ndaj një përplasjeje midis dy shteteve, të cilat i konsiderojnë armiqësore ose të paktën problematike dhe ndaj të cilave kanë marrëdhënie të paqarta. Ato gjithashtu e gjejnë veten duke reaguar ndaj një situate të re: kjo është hera e parë
Dhjetëra avionë ushtarakë amerikanë nuk ndodhen më në pistën e një baze të madhe ushtarake në Katar, sipas imazheve satelitore të publikuara nga Agence France-Presse. Kjo mund të jetë një lëvizje për t’i mbrojtur ata nga sulmet ajrore të mundshme iraniane, teksa Uashingtoni po shqyrton mundësinë e përfshirjes në konfliktin midis Iranit dhe
Një shpërthim i fuqishëm ka ndodhur në rezidencën e ambasadorit norvegjez në Izrael mbrëmjen e sotme në Herzliya. Në njoftimin e Ministrisë së Jashtme norvegjeze, theksohet se nuk ka të lënduar. “Kemi qenë në kontakt me ambasadën sonte. Asnjë anëtar i stafit të ambasadës nuk u lëndua gjatë incidentit”, thotë ministria e jashtme
Aktivistët për të drejtat digjitale e kanë cilësuar ndërprerjen e vazhdueshme të internetit në Iran si më të rëndën ndonjëherë në historinë e kontrollit të rrjetit në këtë vend. Ka kaluar më shumë se 24 orë që nga vendosja e një bllokade kombëtare nga qeveria iraniane, duke ndërprerë komunikimin me botën e jashtme
