by kfvanews
Share
by kfvanews
Share
Presidenti i Turqisë, Recep Tayyip Erdoğan, ka lëshuar deklarata të forta kundër Izraelit, duke e akuzuar këtë të fundit për agresion të vazhdueshëm në rajon dhe për moskuptim të pasojave afatgjata të veprimeve të tij, shkruan KFVA.
Në një fjalim të fundit, ai theksoi se mbështetja pa kufij që Izraeli merr nga Perëndimi po e nxit atë të veprojë pa ndjeshmëri ndaj realitetit gjeopolitik dhe historik të rajonit.
“Izraeli, që sulmon Iranin me mbështetjen e pakufishme të Perëndimit, shkatërron Gazën dhe ushtron presion ndaj çdo vendi në rajon, nuk është në dijeni të pasojave të veprimeve të veta”, deklaroi Erdogan. Ai paralajmëroi se Izraeli mund të kuptojë gabimin e tij vetëm kur të jetë shumë vonë, duke nënvizuar se asnjë shtet në këtë gjeografi të lashtë nuk është i izoluar nga të tjerët, për shkak të lidhjeve të thella historike dhe kulturore.
Presidenti turk shtoi se çdo sulm ndaj Palestinës apo Iranit nuk është një çështje që prek vetëm popullsinë lokale, por ka ndikim të gjerë në të gjithë rajonin dhe shkakton pasoja afatmesme dhe afatgjata për të gjitha shoqëritë. “Sulmet ndaj popullit palestinez dhe territoreve të tij nuk janë thjesht çështje të disa milionë njerëzve atje. Po ashtu, sulmi ndaj tokave iraniane nuk është vetëm një çështje që prek shtetin iranian”.
Në vijim të fjalës së tij, Erdogan paralajmëroi se çdo hap i ndërmarrë në rajon pa vlerësuar realitetet historike dhe sociale, sjell katastrofa të reja. Ai kujtoi se “këto katastrofa zakonisht përfundojnë me zhdukjen e shtypësve”.
“Izraeli po rrezikon ekzistencën e tij dhe të ardhmen e shoqërisë së vet me çdo akt shtypës që kryen, me çdo gjak që derdh dhe me çdo krim kundër njerëzimit që kryen”, theksoi ai, duke dhënë një paralajmërim të qartë mbi pasojat që mund të ketë vazhdimi i agresionit izraelit./
Zyrtari i Shtëpisë së Bardhë: Trump nuk do të nënshkruajë deklaratën e G7-ës mbi Iranin dhe Izraelin
Presidenti Trump ka vendosur të mos nënshkruajë një deklaratë që bën thirrje për uljen e tensioneve midis Iranit dhe Izraelit, e cila po përgatitet nga Grupi i 7 vendeve të industrializuara, sipas një zyrtari të Shtëpisë së Bardhë, është dëshmia e parë e përçarjes së vazhdueshme midis Trump dhe udhëheqësve të tjerë të
Irani ka kërkuar veprim të menjëhershëm nga Këshilli i Sigurimit i Kombeve të Bashkuara pas asaj që e cilëson si “sulme të qëllimshme të regjimit izraelit” ndaj objekteve të tij bërthamore, duke paralajmëruar se agresioni i vazhdueshëm rrezikon sigurinë globale. Në një letër të publikuar nga agjencia shtetërore iraniane IRNA dhe drejtuar Sekretarit të Përgjithshëm
Presidenca e Kosovës ka njoftuar se sot, nëpërmjet shkëmbimit të letrave me Bashkimin Evropian, është vazhduar mandati teknik i misionit të EULEX. Sipas Presidencës, Osmani ka theksuar se “ky mandat teknik, pra pa fuqi ekzekutive, mbetet i fokusuar në aspektet e monitorimit, mentorimit dhe këshilldhënies”, shkruan KFVA. Në letrën e saj drejtuar Kryediplomates
Sipas raporteve nga media shtetërore iraniane, një valë e re sulmesh me raketa ka nisur ndaj Izraelit. Transmetuesi kombëtar iranian, duke cituar ushtrinë e vendit, ka lëshuar një paralajmërim të drejtpërdrejtë ndaj banorëve të asaj që e quan “Territoret e Pushtuara”, duke iu referuar shtetit të Izraelit, që të evakuohen për të mbijetuar.
