Sot do të mbahet ceremonia shtetërore për rivarrimin e dëshmorëve të kombit në Kompleksin Memorial “Dëshmorët e Kombit” në Vrellë të Istogut.
Këshilli Koordinues për organizimin e rivarrimit të Dëshmorëve të Kombit njofton se sot do të realizohet ceremonia shtetërore e rivarrosjes së tridhjetë e katër (34) Dëshmorëve të Kombit, e cila do të mbahet nën patronatin e Presidentes së Republikës së Kosovës dhe do të jetë nën kujdesin dhe përcjelljen e Forcës së Sigurisë së Kosovës (FSK).
“Ceremonia do të zhvillohet me nderime të larta ushtarake dhe pjesëmarrje institucionale”, njofton Komuna e Istogut.