Administrata Trump i ka kërkuar Gjykatës Supreme që të ndërhyjë pas një vendimi gjyqësor që ndaloi shkurtimet masive të vendeve të punës dhe ristrukturimin e agjencive federale si pjesë e zvogëlimit të qeverisë federale.

Departamenti i Drejtësisë apeloi në Gjykatën Supreme pasi gjyqtarja e San Franciskos, Susan Ilston, bllokoi procesin e shkurtimeve të vendeve të punës, në 22 maj. Sipas burimeve lokale Ilston plotësoi kërkesat e sindikatave, organizatave joqeveritare dhe autoriteteve lokale të cilat kishin sfiduar vendimet e Shtëpisë së Bardhë.

Çështja përfshinte, ndër të tjera, departamentet e Bujqësisë, Tregtisë, Shëndetësisë, Shtetit, Thesarit dhe Çështjeve të Veteranëve .

Administrata Trump ka dërguar ankimim, disa herë në Gjykatën Supreme, pasi gjykatat e ulëta bllokojnë zbatimin e politikës së saj.