kfvanews
Analisti Ilir Ibrahimi, ka reaguar lidhur me vendimin e Zyrës së Rregullatorit të Energjisë për daljen e bizneseve në tregun e lirë të energjisë.
Ibrahimi tha se mbeti pa fjalë pasi e mori lajmin se një mik i tij do ta mbyllë fabrikën, shkaku i ZRrE-së.
Ai tha se kjo nuk është vetëm krizë ekonomike, por theksoi se kjo është krizë e ndërgjegjes.
“Aty ku dikur kishte shpresë, sot ka heshtje. Aty ku kishte prodhim, sot ka dry. Dhe më e dhimbshmja nga të gjitha – aty ku kishte marrëdhënie, besim, bashkëpunim – sot ka lotë të fshehur dhe punëtorë që kthehen në shtëpi me duar bosh”, tha Ibrahimi.
“Sot po mbyllen dyert e fabrikave që dikur gumëzhinin nga puna. Jo për shkak të dështimit, jo për mungesë vizioni apo për mungesë përkushtimi – por për shkak të një vendimi të paarsyeshëm, të marrë në zyrat e ftohta të pushtetit, larg realitetit të biznesit dhe larg njerëzve që mbajnë gjallë këtë vend”, theksoi ai./KFVA/
