kfvanews
Pas kursimeve për gati 40 vjet për të paguar koston e udhëtimit, një burrë indonezian dhe gruaja e tij kanë plotësuar ëndrrën e tyre për të kryer Haxhin.
Legiman është shumë i lumtur që ëndrra e tij e jetës më në fund është realizuar, përcjell KFVA.
“Jam shumë i lumtur. Nuk mund ta besoja se më në fund do ta shihja Qaben e shenjtë me sytë e mi”, tha ai.
“Falënderoj Zotin në fillim, pastaj të gjithë ata që na ndihmuan. Falënderoj veçanërisht ata që janë përgjegjës për iniciativën Rruga e Mekës, e cila e bëri më të lehtë nga sa mund ta imagjinoja”, shtoi ai.
Legiman kujton se kishte filluar të kursente për udhëtimin e shenjtë në vitin 1986 me ndihmën e gruas së tij në kushte të vështira jetese, shkruajnë mediat e huaja.
“Pavarësisht sfidave, ne nuk e humbëm shpresën. Unë dhe gruaja ime vazhduam të kursenim në mënyrë të qëndrueshme derisa më në fund arritëm të shkruanim emrat tanë në listën e pelegrinëve.”
Ndryshe, një total prej 221,000 pelegrinësh nga Indonezia, kombi më i madh në botë me shumicë myslimane, pritet të kryejnë Haxhin këtë vit.
Iniciativa “Rruga e Mekës” synon të ofrojë shërbime të shpejta për pelegrinët nga vende të caktuara duke i finalizuar pa probleme procedurat e tyre në vendlindje.
