Në palestrën sportive në Leposaviq është vendosur pllakata me simbole të Republikës së Kosovës.
Shqipe Latifi, shefja e kabinetit të kryetarit të Komunës së Leposaviqit, Lulzim Hetemi e ka konfirmuar, vendosjen e kësaj pllakate.
“Është vendosur sot pllakata, nuk ka pasur asnjë problem, gjithçka ka shkuar në rregull”, ka thënë shkurtimisht Latifi.
Në këtë aksion ka asistuar Policia e Kosovës.
Këtë e ka konfirmuar për Telegrafin edhe zëvendësdrejtori i Policisë për rajonin e veriut, Veton Elshani.
“Po, është vendosur pllakata me simbole të shtetit tonë. Ne kemi asistuar”, ka thënë Elshani.