by kfvanews
Share
by kfvanews
Share
Presidenti i SHBA-së, Donald Trump, ka thënë se nuk është “i kënaqur” me homologun e tij rus, Vladimir Putin, pas sulmit më të madh ajror të Moskës deri më tani në Ukrainë.
Në një qortim të rrallë, Trump tha: “Çfarë dreqin i ka ndodhur? Po vret shumë njerëz”. Më vonë ai e quajti Putinin “absolutisht të çmendur”.
Presidenti ukrainas, Volodymyr Zelensky, tha më parë se “heshtja” e Uashingtonit ndaj sulmeve të fundit ruse po inkurajonte Putinin, duke kërkuar “presion të fortë” – përfshirë sanksione më të ashpra, ndaj Moskës.
Të paktën 12 persona u vranë dhe dhjetëra të tjerë u plagosën në Ukrainë gjatë natës së së dielës, pasi Rusia qëlloi 367 dronë dhe raketa – numri më i lartë në një natë të vetme që kur Putini nisi një pushtim në shkallë të plotë në vitin 2022.
Sirenat ajrore që paralajmërojnë për dronë dhe raketa që po vijnë u dëgjuan përsëri në shumë rajone të Ukrainës herët të hënën.
Të paktën tre persona, përfshirë një fëmijë, u plagosën në qytetin verilindor të Kharkiv, tha kryebashkiaku Ihor Terekhov.
Në rajonin jugor të Zaporizhzhisë, dy persona u plagosën, tha kreu rajonal Ivan Fedorov.
Duke folur me gazetarët në New Jersey vonë të dielën, Trump tha për Putinin: “E njoh prej kohësh, gjithmonë kam shkuar mirë me të, por ai po dërgon raketa në qytete dhe po vret njerëz, dhe kjo nuk më pëlqen aspak”.
I pyetur nëse po shqyrtonte rritjen e sanksioneve të SHBA-së ndaj Rusisë, Trump u përgjigj: “Absolutisht”. Presidenti amerikan ka kërcënuar vazhdimisht ta bëjë këtë më parë – por ende nuk ka zbatuar ndonjë kufizim kundër Moskës.
Menjëherë pas kësaj, Trump shkroi në një postim në Truth Social se Putini “është çmendur plotësisht”.
“Gjithmonë kam thënë se ai dëshiron të gjithë Ukrainën, jo vetëm një pjesë të saj, dhe ndoshta kjo po rezulton të jetë e saktë, por nëse e bën, kjo do të çojë në rënien e Rusisë!”
Por presidenti amerikan pati gjithashtu fjalë të forta për Zelenskyn, duke thënë se ai “nuk po i bën asnjë nder vendit të tij duke folur në atë mënyrë”.
“Çdo gjë që del nga goja e tij shkakton probleme, nuk më pëlqen, dhe më mirë të ndalet”, shkroi Trump për Zelenskyn.
Është gjetur trupi i pajetë i 33-vjeçarit Rrahim Latifit, mërgimtarit i cili që kërceu nga ura e Ujmanit më 27 korrik. Lajmi i është konfirmuar nga autoritet që ndodhen atje, që po zhvillohen në Ujman, raporton klankosova, përcjell KFVA. Për gjetjen e trupit të tij ishin angazhuar shumë ekipe, ndërkaq sot atje zbarkuan
33 vjeçari tash e tri ditë po kërkohet në Liqenin e Ujmanit, i cili dyshohet se kërceu nga ura dhe nuk doli më, raporton KFVA. Deri tani, operacionet e kërkim-shpëtimit janë realizuar nga Policia e Kosovës, Shoqata e Kosovës për Kërkim dhe Shpëtim, si dhe nga zjarrfikësit. Ndërsa sot edhe Forcat e Sigurisë
Kamionët me ndihma humanitare rifilluan lëvizjen e tyre nga Egjipti drejt Rripit të Gazës, duke shënuar ditën e tretë radhazi të shpërndarjes së ndihmave, thanë të martën mediat egjiptiane. Kamionët filluan të kalonin në Gaza përmes anës së kontrolluar nga Egjipti të pikës kufitare të Rafah, duke transportuar ushqime thelbësore, furnizime mjekësore dhe
Sistemi shtetëror i kontrollit të cilësisë së derivateve në tregun e brendshëm ka dështuar plotësisht. Ministrja në detyrë e Industrisë, Ndërmarrësisë dhe Tregtisë, Rozeta Hajdari, nuk ia ka vazhduar autorizimin laboratorit të vetëm që kryente testimet e cilësisë, duke lënë kështu qytetarët të pambrojtur dhe tregun e derivateve të pakontrolluar që nga dhjetori
