by kfvanews
Share
by kfvanews
Share
Presidenti i Republikës, Bajram Begaj, po merr pjesë në Sesionin Pranveror të Asamblesë Parlamentare të NATO-s, që këtë vit po mbahet në Dayton të Shteteve të Bashkuara në 30-vjetorin e marrëveshjes që i dha fund konfliktit në Bosnjë dhe Hercegovinë.
Gjatë fjalës në forumin me temë “Renewing focus on peace and prosperity in the Balkans”, Presidenti Begaj rikonfirmoi mbështetjen e Shqipërisë ndaj Marrëveshjes së Dayton-it dhe integrimin Euroatlantik të Bosnjë dhe Hercegovinës.
Duke nxjerrë në pah përpjekjet ndërkombëtare për shuarjen e konflikteve në rajoni tonë, Presidenti i Republikës theksoi se “Marrëveshja e Paqes e Dayton-it i dha fund një lufte brutale në Ballkan, duke mbetur një gur themeli i paqes, stabilitetit dhe shpresës”. Presidenti Begaj nënvizoi rëndësinë e ndërhyrjes në kohë në Kosovë, që ndihmoi në parandalimin e një katastrofe: “Shtetet e Bashkuara të Amerikës luajtën një rol historik në sigurimin e paqes tre dekada më parë. Pa udhëheqjen amerikane, Marrëveshja e Dayton-it nuk do të kishte qenë e mundur. Pa udhëheqjen amerikane, nuk do të kishim një Kosovë të pavarur. Për më tepër, rajoni ynë nuk do të kishte arritur stabilitetin e tij aktual pa angazhimin e qëndrueshëm të SHBA-së”.
Kreu i Shtetit vlerësoi partneritetin strategjik me Shtetet e Bashkuara të Amerikës, duke u shprehur se “Shqipëria riafirmon angazhimin e saj të fortë ndaj vlerave thelbësore të demokracisë, duke promovuar paqen, sigurinë, stabilitetin, zhvillimin e qëndrueshëm ekonomik dhe marrëdhëniet e fqinjësisë së mirë. Ne shqiptarët e nderojmë dhe e vlerësojmë thellësisht miqësinë tonë me Shtetet e Bashkuara dhe jemi të përkushtuar ta forcojmë atë për brezat që do të vijnë”.
Presidenti i Republikës vlerësoi angazhimin e vazhdueshëm të SHBA-së, NATO-s dhe BE-së në rajonin e Ballkanit, ndërsa shprehu përkushtimin si anëtare e Aleancës Euroatlantike për të forcuar solidaritetin, unitetin dhe kohezionin e NATO-s.
Përballë sfidave të reja më të cilat përballet Ballkani pas luftës në Ukrainë, Presidenti Begaj bëri thirrje për bashkëpunim mes aleatëve për transformimin e tyre në mundësi, shpresë dhe unitet.
“Le të riafirmojmë angazhimin tonë ndaj Ballkanit Perëndimor, një rajon që nuk mbetet në hijen e së kaluarës së tij, por qëndron në dritën e të ardhmes së vet. 30 vjet më parë paqja u bë e mundur këtu. Tani është detyra jonë të sigurohemi që ajo të bëhet e përhershme”, – deklaroi Presidenti i Republikës, Bajram Begaj.
Duket se më në fund është zbardhur rasti i infektimit të fëmijëve në kopshtin publik në qytetin e në Gramshit. BalkanWeb ka siguruar rezultatet e analizave, nga ku ka dalë se produkti që ka shkaktuar infektimin ka qenë veza, e cila ka qenë e kontaminuar me salmonelë. Nga analizat e mëparshme të kryera në qumësht dhe
Prezantuesja e lajmeve lokale, Olivia Jaquith, vazhdoi me një transmetim lajmesh tre-orësh në mëngjes edhe pasi filluan kontraksionet e lindjes dhe i plasën ujërat, duke i mbajtur shikuesit të informuar rreth lindjes së fëmijës së saj të parë. “Kemi disa lajme të fundit këtë mëngjes — fjalë për fjalë,” tha bashkë-prezantuesja Julia Dunn në krye
Jill Biden ka qenë “bashkëpunëtore” në fshehjen e përkeqësimit të gjendjes së bashkëshortit të saj gjatë kohës sa ai ishte në detyrë, ka deklaruar Shtëpia e Bardhë. Ish-zonja e parë “duhet të japë përgjigje” për rolin e saj në “mbajtjen e bashkëshortit të saj larg kamerave”, ka thënë Karoline Leavitt, sekretarja për shtyp e Shtëpisë së Bardhë, duke e akuzuar
Agjencia Holandeze e Sigurisë së Produkteve Ushqimore dhe të Konsumatorit (NVWA) njoftoi se kanabisi u gjet në qeset e mëdha me karamele Harib “Happy Cola F!ZZ” (Happy Cola F!ZZ), prandaj produkti u tërhoq nga shitja në të gjithë vendin. Zbulimi erdhi pas raportimeve se disa anëtarë të një familjeje u sëmurën pasi hëngrën
