Gazeta ka mësuar se një person është paraqitur i gjakosur në QKUK, duke deklaruar se është therur me thikë në krah, në një incident që ka ndodhur sipas tij diku në rrugën “Vëllezërit Gërvalla” në Prishtinë.
Burime të sigurta brenda emergjencës bëjnë me dije se i lënduari ka ardhur vetë në QKUK, ku ka pranuar trajtim mjekësor, ndërkohë që nuk e kishte njoftuar Policinë për rastin.
Aktualisht, nuk dihet identiteti i autorit apo rrethanat e konfliktit. Rasti duhet të raportohet zyrtarisht në polici, sipas burimeve të Sinjalit.
Gazeta ka mësuar se personi në fjalë ka lëndim të shkaktuar nga mjet i mprehtë në krah dhe është jashtë rrezikut për jetë.
Gazeta do të raportojë për çdo zhvillim të ri lidhur me këtë ngjarje.