by kfvanews
Share
by kfvanews
Share
Një konflikt ka ndodhur në Universitetin “Ukshin Hoti” në Prizren, aty profesori Shkëlqim Millaku ka kërcënuar kolegen e tij të punës profesoreshën Vjollca Dibra Ibrahimi, shkruan KFVA.
Millaku i është drejtuar Dibra – Ibrahimit me fjalët:
“Me të kapë për krah, të gjuaj nga dritarja.”
Pas këtyre fjalëve profesoresha në fjalë ka kërkuar ndihmë mjekësore urgjente dhe është diagnostikuar me reaksion akut në stres, sipas raportit zyrtar të lëshuar nga Shërbimi Spitalor Klinik dhe Universitar i Kosovës.
Për rastin është deklaruar edhe vet profesoresha Vjollca Dibra Ibrahimi, e cila tha se edhe pse e ka raportuar rastin në Polici, ende nuk është ndërmarrur asnjë veprim.
“Unë, Vjollca Dibra Ibrahimi, profesoreshë në Universitetin “Ukshin Hoti” në Prizren, dëshmoj publikisht për një ngjarje të rëndë që ka ndodhur më datë 16 maj 2025, në ambientet e universitetit, ku jam kanosur në mënyrë të drejtpërdrejtë dhe kërcënuese nga kolegu im, prof. Shkëlqim Millaku. Deklarata e tij – “Me të kapë për krah, të gjuaj nga dritarja” – është bërë në praninë e dy dëshmitarëve dhe ka ndikuar drejtpërdrejt në gjendjen time shëndetësore dhe emocionale. Kam marrë ndihmë mjekësore të menjëhershme dhe jam diagnostikuar me “reaksion akut në stres”. E kam raportuar rastin në Polici, por deri më tani nuk është ndërmarrë asnjë veprim. As universiteti ku punoj nuk ka ofruar asnjë mbrojtje, ndonëse ngjarja ka ndodhur në hapësirat zyrtare të institucionit dhe para kolegëve. Ndjej frikë të përditshme dhe shqetësim të thellë për sigurinë time. Kjo heshtje institucionale përbën një bashkëpërgjegjësi morale dhe ligjore. Prandaj, përmes kësaj deklarate publike, kërkoj veprim urgjent nga Prokuroria, Policia dhe Universiteti për të garantuar një hetim të plotë, mbrojtje të viktimës dhe ndëshkim të çdo akti të dhunës, qoftë ai verbal apo fizik, brenda institucioneve arsimore. Unë nuk jam vetëm një viktimë. Jam edhe një zë që flet për të gjitha gratë që shpesh heshtin nga frika. Institucionet duhet të veprojnë, jo të heshtin.”, ka thënë ajo.
Ndryshe edhe pse rasti është denoncuar në Prokurorinë Themelore në Prizren dhe janë dhënë deklarata të dëshmitarëve, deri më tani nuk është ndërmarrë asnjë veprim ligjor nga ana e kësaj Prokurorie.
Deputetët e zgjedhur nga zgjedhjet e 9 shkurtit do të mblidhen përsëri për të votuar ”pro”, ”kundër” apo abstenuar lidhur me kryetarin e Kuvendit të Kosovës. Siç duket Lëvizja Vetëvendosje do të kandidojë përsëri Albulena Haxhiun për kryetare. Mirëpo Opozita nuk po pajtohet asesi që të votojë ”pro” propozimit nga LVV-ja. Ditë më
Dhoma e Tregtisë dhe Industrisë në Kosovë, ka bërë të ditur se do të nisë betejë ligjore për të kundërshtuar vendimin e Zyrës së Rregullatorit të Energjisë, për liberalizimin e shpejtë të tregut të energjisë në Kosovë. DHTIK ka vlerësuar se ky vendim është marrë pa një analizë të thuktë dhe pa asnjë
Zëvendësministri i Pushtetit Lokal, Arbër Vokrri, e ka akuzuar palën ndërkombëtare se ka nxitur trazirat në veri në disa situata. Të enjten në “60 Minuta” të KTV-së, Vokrri ka thënë se një ndër diplomatët ndërkombëtarë është edhe shefi i Zyrës së BE-së në Kosovë, Aivo Orav. “Pala ndërkombëtare, unë kam qenë vetë dëshmitar
Një operacion kërkim-shpëtimi është përmbyllur me sukses në orët e vona të mbrëmjes së djeshme, pasi dy turiste të huaja humbën rrugën dhe u përballën me kushte ekstreme në shtegun ndërkufitar High Scardus Trail, përkatësisht në segmentin 3 pranë liqenit të Livadhit në Brezovicë. Rreth orës 17:35, Shërbimi i Kërkim-Shpëtimit Malor i Kosovës (ShKShMK) pranoi një thirrje për ndihmë
