by kfvanews
Share
by kfvanews
Share
Presidentja Vjosa Osmani gjatë fjalimit të saj në Zvicër ku po qëndron për vizitë zyrtare ka falënderuar këtë vend për rolin që ka pasur për kosovarët gjatë kohës së luftës.
“Ashtu siç Zvicra dikur ofroi strehë për mendje të ndritura si Albert Einstein dhe Thomas Mann, si dhe për një vajzë të re nga Praga me emrin Madeleine Albright, që më vonë u bë Sekretare Shteti në SHBA, ajo u bë një avokate e fuqishme për lirinë e Kosovës. Dhe po ashtu, qindra mijëra bashkëkombës të mi kosovarë gjetën strehë këtu gjatë orëve më të errëta të historisë sonë”.
Osmani tha se Zvicra ishte vendi ku shumë prej përpjekjeve për lirinë e Kosovës gjetën mbrojtje dhe mbështetje.
“Këtë nuk do ta harrojmë kurrë. Kosova do të mbetet gjithmonë mirënjohëse ndaj Zvicrës dhe popullit të saj”.
“Sot, qindra mijëra njerëz me prejardhje nga Kosova jetojnë në këtë vend të mrekullueshëm. Nga dallimet kemi ndërtuar pika të përbashkëta. Kemi thyer barriera dhe kemi ndërtuar ëndrra të përbashkëta. Së bashku, kemi krijuar një partneritet të veçantë, të pasur me miqësi dhe lidhje të forta mes njerëzve”.
Osmani tha se bijtë dhe bijat e atyre që dikur erdhën si punëtorë dhe refugjatë, sot janë mjekë e inxhinierë, artistë e sipërmarrës.
“Ata po ndërtojnë jetë me qëllim, po forcojnë komunitetet e tyre këtu në Zvicër. Dhe çdo ditë, ata ndihmojnë në shtytjen përpara të mirëqenies së vendit të tyre të ri – Zvicrës. Tani, shpeshherë, ata edhe shënojnë gola. Gola epike, madje. Dhe besoj që Ministri Beat Jans, i cili, siç kam dëgjuar, është tifoz i zjarrtë i FC Basel, do të pajtohej me mua kur them se pa Xherdan Shaqirin, ndoshta Baseli nuk do ta kishte fituar atë kampionat ditën tjetër”.
“Tani, nuk jam zvicerane, dhe zakonisht nuk ndërhyj në punët e brendshme, por këtë herë, nuk munda të përmbahem. Dhe do të ishte një fjalim i plotë nëse nuk flasim pak edhe për futbollin?”.
“Në fund të fundit, hera e vetme në historinë e futbollit kur tifozët e Kosovës mbështesnin njëkohësisht të dy skuadrat në një ndeshje që ndodhi në Prishtinë, ishte kur kombëtarja jonë po luante kundër Zvicrës, ose më mirë me Zvicrën. Mendoj se kjo është një dëshmi e vërtetë e marrëdhënieve të veçanta mes popujve dhe vendeve tona”, tha Osmani.
Të enjten parashikohet që në orët e para të 24-orëshit e deri në mëngjes, të ketë herë pas here rrebeshe lokale shiu, të shoqëruara me shkarkesa rrufesh. Më pas dita do të vijojë me diell dhe vranësira, ku gjatë pasditës pritet të ketë ndonjë rrebeshe të izoluar në zona të caktuara. Era do
Numri i përfituesve të ndihmave sociale ka rënë në prill të këtij viti, krahasuar me periudhën e njëjtë të vitit paraprak. Sipas të dhënave të Agjencisë së Statistikave të Kosovës (ASK) gjatë prillit të këtij viti numri i përfituesve ka rënë për -12,8%. Derisa në prill të vitit 2024 ishin 19 mijë e
Një paralajmërim serioz e tha raportuesi për Kosovën në Parlamentin Evropian, Riho Terras. Ka të bëjë me një fushatë, që ish-gjenerali i Ushtrisë së Estonisë, planifikon të nisë në raport me Sllovakinë, Spanjën, Greqinë, Rumaninë dhe Qipron. Këto pesë shtete anëtare të BE-së nuk e njohin shtetësinë e Republikës kosovare, andaj Terras do
Salpa, një peshk që banon në Detin Mesdhe, është një specie e veçantë që tërheq vëmendjen për pamjen e saj të jashtëzakonshme. Me trupin e saj argjendtë dhe vijat e arta që shtrihen përgjatë trupit, si dhe sytë e verdhë, kjo specie është e njohur për bukurinë që i shton deteve mesdhetarë. Megjithatë,
