by kfvanews
Share
by kfvanews
Share
Kryetari i BDI-së, Ali Ahmeti, ka uruar Edi Ramën për fitore në zgjedhjet parlamentare, duke thënë se nuk kishte mënyrë më të mirë se sa ta shpallësh fitoren e Shqipërisë Europiane nga sheshi i kryeheroit Gjergj Kastrioti Skenderbeu, me pjesëmarrjen e të gjithë krerëve të shteteve europiane në Tiranë.
Ahmeti përmes një postimi në Facebook i kërkon Ramës të vijoi rrugën drejt pajtimit dhe integrimit sepse thotë se në hasmëri shekullore nuk jetohet.
“Rajonit i duhet pajtim dhe integrim. Mua më ke pas, të ta hap rrugën e të ta ruaj shpinën”, ka shkruar Ahmeti.
Postimi i tij i plotë:
I nderuar Kryeministër i Republikës së Shqipërisë, Kryetar i Partisë Socialiste, shumë i dashur Edi,
S’kishte mënyrë më të mirë se sa ta shpallësh fitoren e Shqipërisë Europiane, ashtu siç i ka hije, nga sheshi i kryeheroit tonë kombëtar hijerënde, Gjergj Kastrioti Skenderbeu, ku edhe u kurorëzove dhe e vulose atë fitore edhe me pjesëmarrjen e të gjithë krerëve të shteteve europiane në Tiranë. Prandaj dhe sot, pasi i përfundove të gjitha sfidat me sukses, vendosa të ta uroj, vëllazërisht nga zemra, fitoren spektakolare dhe plebishitare të zgjedhjeve parlamentare.
U gëzova shumë që pikërisht Ty të ra barra ta shpiesh Shqipërinë në Europë, aty ku na e përcaktuan vendin rilindasit tanë, sepse e di që Ti do t’ia dalësh dhe do ta realizosh, e ne të gjithë do të të mbështesim.
Prandaj, Edi, vijo rrugën drejt pajtimit dhe integrimit sepse në hasmëri shekullore nuk jetohet. Rajonit i duhet pajtim dhe integrim. Mua më ke pas, të ta hap rrugën e të ta ruaj shpinën.
Ishe pranë nesh në çdo hap, edhe kur e bëmë gjuhën shqipe zyrtare, edhe kur u dakorduam për korridorin 8 nga Shkupi në Tiranë që e pranove pa asnjë hamendje, edhe kur e hoqëm kufirin mes nesh, për abetaren e unifikuar, dhe për çdo gjë tjetër në të mirën e përbashkët dhe në funksion të së ardhmes europiane.
Edi, kemi ende shumë punë për të bërë, koha po dëshmon së të arriturat tona duhet mbrojtur sepse po cënohen vrazhdë me tendenca shqetësuese dhe ne nuk do ta lejojmë kthimin pas, por do të punojmë bashkë për të ecur perpara.
Të perqafoj si vëllau vëllain, të uroj shëndet e mbarësi e me mall pres të ritakohemi e ta shtrijmë rrugën tonë të përbashkët europiane.
Deputetët e Kuvendit të Kosovës do të mblidhen sërish nesër në tentimin e radhës për ta konstituuar legjislaturën e nëntë. Seanca e nesërme është thirrur nga ora 11:00, ku edhe pas aktgjykimit të ri të Gjykatës Kushtetuese, Lëvizja Vetëvendosje akoma s’ka arritur ta zgjedh kryetarin apo kryetaren e re. Pas aktgjykimit të ri,
Qendra për Menaxhimin e Kalimeve Kufitare njofton qytetarët dhe udhëtarët për fluksin aktual të automjeteve dhe kamionëve në pikat e kalimit kufitar. Në shumicën e pikave kufitare, koha mesatare e pritjes për hyrje dhe dalje të automjeteve është midis 3 dhe 5 minutave, përveç rasteve të veçanta si në Merdarë, ku për daljen
Sekretari i Përgjithshëm i NATO-s, Mark Rutte, tha se marrëveshja e garancive të sigurisë për Ukrainën do të përbëhet nga dy shtresa: forcimi i ushtrisë së Ukrainës dhe angazhimet nga SHBA-të dhe Evropa që synojnë pengimin e Rusisë në rast të një agresioni të ardhshëm. Mbështetja e NATO-s për Ukrainën mbetet “e palëkundur”
Dita e Flamurit e gjen Ukrainën ende në luftë me agresorin rus, i cili po përpiqet që në bisedimet për paqen të mos lëshojë territoret e pushtuara. Por mesazhi i presidentit ukrainas në shënimin e kësaj dite kombëtare, ishte se nuk do t’ia dhurojnë tokën pushtuesit. “Ky flamur është një qëllim dhe ëndërr
