Familja Çoçaj nga fshati Lubizhdë e Prizrenit po përjeton momente ankthi dhe pasigurie që nga e premtja e 17 majit 2025, kur Granit Çoçaj, rreth 34 vjeçar është larguar nga shtëpia për të shkuar në punë dhe që atëherë nuk është kthyer më.
Burimet thonë se Graniti ishte nisur për në punë rreth orës 07:00–08:00, por nuk është paraqitur fare në vendin e tij të punës, ndërsa kontakti me të është humbur plotësisht dhe telefoni i tij është i fikur.
Prej asaj dite nuk dihet asgjë për të. Familja, të afërmit dhe Policia janë duke kërkuar çdo gjurmë që mund të ndihmojë për ta gjetur.
Kush është Graniti? Emri: Granit Çoçaj, i lindur më 25.06.1991, vendbanimi: Lubizhdë, Prizren, i gjatë: 1.72 cm, peshon rreth 102 kg, flokët dhe sytë: të kaftë, veshmbathja në momentin e largimit: Nuk dihet dhe më parë ka qenë i raportuar edhe në vitin 2023 si person i zhdukur
Lutemi, nëse keni informacion – sado i vogël – që mund të ndihmojë për të gjetur Granitin, kontaktoni Policinë në numrin 192 ose drejtohuni në stacionin më të afërt.
Familja Çoçaj ka vetëm një kërkesë: Ndihmoni të gjejnë djalin e tyre.