Një aksident tragjik ka ndodhur në orët e para të mëngjesit të sotëm në fshatin Pouskë, ku për pasojë ka humbur jetën një person, raporton Gazeta KFVA.
Burimet bëjnë të ditur se ngjarja ka ndodhur rreth orës 04:10, ku një veturë me tre persona është përfshirë në një vetaksident. Viktima është një femër, e cila ka ndërruar jetë në vendin e ngjarjes, ndërsa dy personat tjerë – meshkuj – kanë pësuar lëndime, njëri prej tyre të rënda e tjetri të lehta trupore.
Në vendin e ngjarjes kanë dalë njësitë e Policisë, Emergjencës, zjarrfikësit, hetuesit nga NJRTRR dhe Prokurori kujdestar, ndërkohë që hetimet për shkaqet e aksidentit janë duke vazhduar.
Për detaje të mëtejshme lidhur me identitetin dhe rrethanat, Gazeta dhe Agjencia e lajmeve KFVA do t’ju informojë në vijim.