Gazetari Çim Peka, i njohur për kundërshtinë e tij të madhe ndaj pushtetit aktual në Shqipëri, dje ishte i sigurt që opozita në Shqipëri korr fitore, duke iu kapur madje Baton Haxhiut për exit poll-in që nxirrte Edi Ramën fitues. Sot ndryshoi krejt rrëfimi, shkruan Gazeta KFVA.

---

Peka dje tha se qytetarët duhet të rrinë të qetë, sepse opozita do të marrë mbi 70 mandate dhe se exit poll-i i Baton Haxhiut tregonte se PS-ja ishte në panik.

“Jane ne panik se nuk kane Lulin perballe te nderrojne kutite naten! Rrini te qete, opozita eshte shume mbi 70 mandate”, tha Çimi mbrëmë, shumë i bindur se PS-ja bie nga pushteti.

Sidoqoftë, disa orë më vonë nga kjo deklaratë optimiste, PS-ja është duke prirë me 52% të votave dhe me 83 mandate. PD-ja, në anën tjetër, ka veç 34% të votave ose 50 mandate. Bashkë me partitë e tjera, opozita shkon më së shumti deri në 57 mandate, e jo 70 siç pretendonte Çimi.

Por, gazetari i njohur sot sërish reagoi, tash me një sërë akuzash ndaj SPAK-ut, Altin Dumanit, Partisë Socialiste dhe ‘mercenarëve’ të saj.

 

“Tani besoj nuk keni me dilema qe SPAK u krijua per mandatin e katert te Rames! Nje vit qe Berisha ishte ne arrest pa akuze, Rama-Dumani-Krimi me liste ne dore ndertuan trupen e re elektorale per 80 e kusur mandatesh qe i duheshin Rames”, tha Çim Peka, i cili para pak orësh thoshte 70+ mandate për opozitën.

“Sot jemi ne regjimin Rama-Dumani. Ta gezoni regjimin, une do vazhdoj”, tha Çimi më tej, i vendosur për të bërë opozitë ndaj Ramës, edhe pse mbrëmë priste që PD-ja të ngjitej në pushtet./gazetametro.net