by kfvanews
Share
by kfvanews
Share
Dhoma e Tregtisë dhe Industrisë e cila është përfaqësuese e mbi 700 bizneseve të sektorëve të ndryshëm, ka shprehur shqetësim lidhur me procesin e shpejtë të liberalizimit të tregut të energjisë në Kosovë.
Sipas tyre, ky proces sjellë pasoja të dëmshme për bizneset, konsumatorët dhe stabilitetin ekonomik të vendit.
“Dhoma e Tregtisë dhe Industrisë së Kosovës që nga fillimi e ka kundërshtuar këtë vendim të Zyrës së Rregullatorit të Energjisë, duke i kërkuar që një proces i tillë të pezullohet menjëherë, pasi që vet ky institucion përballet me mungesë stafi të mjaftueshëm për mbikëqyrje efektive dhe dyshohet për ndikime të operatorit dominues”, thuhet tutje në reagimin e tyre.
Kjo dhomë e tregtisë thotë se bizneset, nuk kanë platformë publike për krahasimin e ofertave, e as qasje të drejtë në informata për kontrata dhe kushtet.
“Bizneset tona anëtare kanë njoftuar se aktualisht çmimi i energjisë që po ofrohet është mbi 200 % më i shtrenjtë. Andaj DhTIK është duke e realizuar peticionin për mbledhjen e nënshkrimeve nga të gjitha kompanitë që janë të listuara për të kaluar në treg të lirë të energjisë”.
Ata u kanë bërë thirrje të gjitha kompanive që ta nënshkruajnë peticionin e nisur nga ta.
Përpara hapjes së tregut të energjisë në Kosovë, Dhoma e Tregtisë dhe Industrisë, kërkon që fillimisht të përmbushen këto kushte: Përgatitje ligjore dhe udhëzime të qarta zbatimi, krijimi i konkurrencës reale në treg, mbikëqyrje efektive nga ZRRE, transparencë për konsumatorët, fazë kalimtare dhe e vullnetshme si dhe garanci për furnizim të qëndrueshëm dhe të përballueshëm.
Sipas Dhomës së Tregtisë e Industrisë nëse këto pika nuk përmbushen, hapja e tregut në formën aktuale përpos që tashmë, sipas tyre, ka vërtetuar paralajmërimin për rritje enorme të çmimit të energjisë, sjellë edhe humbje të stabilitetit financiar për bizneset dhe përfitime vetëm për operatorin.
“Asnjë shtet në Evropën Juglindore nuk e ka liberalizuar tregun e energjisë në mënyrë kaq të detyruar, të menjëhershme dhe pa faza kalimtare, siç po e kërkon aktualisht ZRRE në Kosovë për bizneset. Andaj, rekomandojmë që vendimi i ZRRE-së të pezullohet menjëherë dhe të rishikohet duke u bazuar në parimet e konkurrencës së ndershme, mbrojtjes së konsumatorit dhe përgatitjes ligjore dhe institucionale”, thuhet në komunikatën e Dhomës së Tregtisë e Industrisë.
Biznese të shumta në vend kanë nisur shtrenjtimin e produkteve të tyre, përfshirë edhe atyre esenciale. Çmimi i bukës ka arritur në 60 centë, teksa edhe produkte të tjera janë shtrenjtuar. Qytetarët ankohen se po abuzohet me çmime. Ndërsa, Autoriteti i Konkurrencës ka nisur monitorimin e shtrenjtimit të bukës dhe mbi 20 produkteve të
Baseli ka shpartalluar Luganon 5-2 në një ndeshje emocionuese të play-offit të Superligës së Zvicrës, duke arritur një fitore të sigurt para tifozëve të tyre, dhe Xherdan Shaqiri ishte sërish lojtari kyç për liderin e kampionatit, shkruan Gazeta KFVA. Përkundër faktit që Lugano kaloi në epërsi pas vetëm tre minutash me golin e
Kryeministri në detyrë i Kosovës, Albin Kurti në një fjalim 45 minutësh në mbledhjen e Këshillit të Vetëvendosjes, ka vazhduar betejën kundër mediave, shkaku i të cilës Kosova ka rënë në pozitën e 99 për liri të shprehjes dhe medias, teksa ka heshtur, për shtrenjtimin e rrymës dhe ngritjen e çmimeve që kanë
Premtimet i morën nga njerëzit që synojnë të qeverisin me vendin, e nesër do të ju drejtohen kutive të votimit. Mbi 3.7 milionë qytetarë të Republikës së Shqipërisë më të drejtë vote, do të vendosin të dielën nëse vendin do ta drejtoj sërish edhe për 4 vjetët e ardhshme Edi Rama me partinë socialiste
