kfvanews
Hagë ndaj ish-drejtuesve të UÇK-së, duke u shprehur se beson në pafajësinë e tyre dhe në një përfundim triumfal të procesit.
Në një intervistë për EO, Ahmeti pohoi se Ushtria Çlirimtare e Kosovës ka respektuar konventat ndërkombëtare dhe se nisma e Gjykatës Speciale u bazua në akuza të pabaza.
“Mendoj që këtë proces duhet ta fitojnë njerëzit që nuk kanë asnjë faj. Kanë qenë çlirimtarë të Kosovës. Ushtria Çlirimtare e Kosovës ka respektuar të gjitha normat dhe konventat ndërkombëtare. Besoj që do të ketë një përfundim triumfalist nga pjesëtarët e UÇK-së në procesin gjyqësor në Hagë”, tha Ahmeti, një nga figurat e njohura të UÇK-së.
Ai procesin gjyqësor në Hagë e quan padrejtësi ndaj Ushtrisë Çlirimtare të Kosovës.
“Fillimi ka qenë aq i padrejtë. Një padrejtësi që i bëhet UCK-së me “Librin e verdhë”, “Shtëpinë e verdhë” nga deputeti zviceran, Dick Marti. Ishte një komprometim i madh, jo vetëm i Kosovës, por i tërë shqiptarëve. Pikërisht këtu është edhe nisma e Gjykatës Speciale, por tani pavarësisht se ngritën çështje të tjera, do të triumfojë e vërteta”, tha ai.
Ahmeti shtoi se ata që kanë dhënë për Kosovën janë të pazëvendësueshëm për të ardhmen e saj.
“Kosovës i duhet të gjithë njerëzit e vet. Kosovës i duhet të gjithë luftëtarët, aq më shumë ata që kanë luftuar për lirinë e vendit të vet dhe kanë dhënë shumë për Kosovën”, tha për EO, Ahmeti.
Tash e katër vjet e gjysmë, ish-drejtuesit e UÇK-së Hashim Thaçi, Kadri Veseli, Rexhep Selimi dhe Jakup Krasniqi, ndodhen në paraburgim në Hagë, ku po përballen me akuza për krime lufte dhe krime kundër njerëzimit
