by kfvanews
Share
by kfvanews
Share
Një aeroplan luftarak pakistanez i prodhuar nga Kina rrëzoi të paktën dy aeroplanë ushtarakë indianë të mërkurën, thanë për reuters dy zyrtarë amerikanë.
Një zëdhënës i Forcave Ajrore indiane tha se nuk kishte koment kur u pyet për raportimin e reuters.
Performanca e aeroplanit luftarak kryesor kinez kundër një rivali perëndimor po vëzhgohet nga afër në Uashington për të kuptuar se si mund të veprojë Pekini në rast të një përballjeje mbi Tajvanin apo më gjerë në rajonin Indo-Paqësor.
Një zyrtar amerikan, që foli në kushte anonimiteti, tha se ekzistonte një besim i lartë se Pakistani kishte përdorur aeroplanin J-10 të prodhuar nga Kina për të lëshuar raketa ajër-ajër kundër aeroplanëve luftarakë indianë – duke rrëzuar të paktën dy prej tyre.
Një tjetër zyrtar tha se të paktën një nga aeroplanët indianë të rrëzuar ishte një Rafale i prodhuar nga Franca, transmeton Telegrafi.
Të dy zyrtarët theksuan se aeroplanët F-16 të Pakistanit, të prodhuar nga kompania amerikane, Lockheed Martin, nuk ishin përdorur në këtë përballje.
India nuk e ka pranuar humbjen e ndonjë aeroplani, përkundrazi, ka deklaruar se ka ndërmarrë sulme të suksesshme kundër asaj që e përshkroi si infrastrukturë “terroriste” brenda Pakistanit.
Fuqitë botërore nga SHBA, Rusia deri te Kina kanë bërë thirrje për qetësi në një nga rajonet më të rrezikshme dhe më të populluara me armë bërthamore në botë.
Ndërsa reuters raportoi të mërkurën se tre aeroplanë indianë u rrëzuan, duke cituar zyrtarë lokalë indianë, ky është konfirmimi i parë perëndimor se avionët e prodhuar nga Kina u përdorën në këto rrëzime.
Në total, Pakistani thotë se ka rrëzuar pesë aeroplanë indianë në përballje ajrore. /
Presidenti rus, Vladimir Putin ka miratuar përbërjen e delegacionit që do të udhëtojë në Stamboll për bisedimet me Ukrainën, ka njoftuar shërbimi për shtyp i Kremlinit. Delegacioni do të kryesohet nga Vladimir Medinsky, ndihmës i liderit rus. Në bisedime do të marrin pjesë edhe zëvendësministri i punëve të Jashtme, Mikhail Galuzin, shefi i
Republika e Kosovës do të jetë ndër 18 vendet nikoqire të ushtrimit më të madh ushtarak që drejtohet nga Shtetet e Bashkuara të Amerikës, ku marrin pjesë 25 mijë ushtarë nga 29 vende të NATO-s. Krejt kjo do të ndodhë në kuadër të ushtrimit “Defender Europe 2025”, që do të mbahet nga 26
Tiranë- Kryeministri i Britanisë, Sir Keir Starmer mbërrin mbrëmjen e të mërkurës në Tiranë. Ai do të ketë një takim bilateral të enjten me kryeministrin Edi Rama e më pas në 12:40 do të dalin në një konferencë për shtyp. Siç raporton NOA, pritet nënshkrimi i një “Marrëveshje të Partneritetit Strategji” Shqipëri-Mbretëri e
Momenti kur një zemër fillon të formohet është kapur për herë të parë në imazhe të jashtëzakonshme me kalim kohe. Pamjet tregojnë se qelizat kardiake në një embrion miu fillojnë të organizohen spontanisht në një formë të ngjashme me zemrën në fazat e hershme të zhvillimit. Shkencëtarët thonë se kjo teknikë mund të
