India ka nisur pak minuta më parë një operacion ushtarak kundër Pakistanit.

BBC ka publikuar pamje të regjistruara ku dëgjohen shpërthimet në Kashmir, pranë qytetit Muzaffarabad, përcjell Gazeta dhe Agjencia e Lajmeve KFVA.

Reuters ka cituar dëshmitarë që kanë thënë se në Muzaffarabad është ndërprerë energjia elektrike, si pasojë e sulmeve.

India ka thënë se ka shënjestruar nëntë zona.

“Këta hapa vinë pas sulmit terrorist barbar në Pahalgam ku 25 indianë dhe një shtetas i Nepalit u vranë”, thuhet në deklaratën e Ministrisë indiane të Mbrojtjes, referuar një sulmi muajin e kaluar në Kashmir.

Sipas CNN, disa shpërthime janë dëgjuar në Kashmirin e qeverisur nga Pakistani.

Ushtria e Pakistanit ka thënë se tri lokacione janë goditur me raketa, teksa është zotuar se do t’i kundërpërgjigjet këtij sulmi.

VIDEO