Kryetari i LDK-së, Lumir Abdixhiku, i është përgjigjur negativisht letrës së kryetarit të Vetëvendosjes, Albin Kurti, ku ky i fundit i kërkon një koalicion qeverisës VV-LDK, shkruan Gazeta KFVA.

Abdixhiku, në letrën e dërguar drejt Kurtit, ndër të tjera thotë se LDK e ka “vlerësuar të pamundur bashkëpunimin me ju”.

Këtë refuzim, Abdixhiku e arsyeton përmes qeverisjes katër vjeçare të Kurtit, ku thotë se u rrezikuan aleancat strategjike dhe siguria kombëtare.

Por, edhe pse refuzoi koalicionin me VV-në, LDK propozon një qeveri kombëtare të tranzicionit deri në zgjedhjen e presidentit, që duhet të ndodhë në prill të vitit 2026.