kfvanews
Deputetët do të mblidhen sërish nesër, në një përpjekje të re për konstituimin e Kuvendit.
Në njoftimin e lëshuar nga Kuvendi thuhet se seanca konstituive do të vazhdojë nesër në orën 10:00. Në seancën e kaluar pati përpjekje që të ndryshohet mënyra e votimit për Kryetarin e Kuvendit, ashtu që të ketë votim të fshehtë, me fletëvotime fizike. Kjo u kundërshtua nga partitë tjera, që e konsideruan si vendim arbitrar dhe në kundërshtim me rregulloret e Kuvendit.
Propozimi për ndryshimin e formës së votimit erdhi nga Kryesuesi Avni Dehari.
Për këtë propozim, ai është thirrur në Aktgjykimin e Gjykatës Kushtetuese të vitit 2014.
Sipas tij, kjo formë do i hapte rrugë zhbllokimit të procesit.
“Në fillim të seancës kryesuesi Dehari tha se pas disa dështimeve për të zgjedhur kryetarin e Kuvendit dhe marrë parasysh aktgjykimin e Gjykatës Kushtetuese të vitit 2014, për çështjen e zgjedhjes së kryetarit të Kuvendit, konkretisht paragrafin 124, ku thuhet se votimi mund të jetë i formës së hapur, i fshehtë apo i çfarëdo forme tjetër, bazuar edhe në Rregulloren e punës së Kuvendit dhe me qëllim të hapjes rrugë për zhbllokimin e procesit, forma e duhur që mund të hapë rrugën për konstituimin e Kuvendit është votimi në mënyrë të fshehtë, me fletëvotime fizike”, u tha dje në njoftimin e Kuvendit./KFVA/
