Ambasada e Gjermanisë në Kosovë kë reaguar për renditjen e Kosovës në Indeksin e Lirisë së Shtypit, ku ka rënë për 24 vende krahasuar me vitin e kaluar.
Në reagimin e ambasadës thuhet se Kosova është e fundit krahasuar me vendet e rajonit, teksa theksohet se si është renditur edhe më poshtë se Serbia, shkruan Reporteri.net..
Ambasada thotë se raporti mund të lexohet si një libër me detyra për qeverinë e re për të siguruar një shtyp të lirë.
“Kosova 
ka rënë gjithsej 
vende në Indeksin e fundit të Lirisë së Shtypit të RSF-së, duke e renditur atë në fund në krahasim rajonal – madje edhe pas Serbisë. Raporti lexohet si një libër detyrash për qeverinë e re, duke përshkruar qartë hapat e nevojshëm për të siguruar një shtyp të lirë, i cili është thelbësor për çdo demokraci të gjallë dhe elastike”, thuhet në njoftimin e ambasadës.
Ndryshe, Kosova e ka shënuar rënien më të madhe në 15 vjetët e fundit në indeksin vjetor për lirinë e shtypit të organizatës Reporterët pa Kufij, duke u renditur në vendin e 99-të në botë nga 180 shtete.
Ky është viti i dytë radhazi që Kosova shënon rënie, pasi në vitin 2024 ra nga vendi i 56-të në atë të 75-të.
Në raportin e publikuar nga Reporterët pa Kufij, më 2 maj, në prag të Ditës Botërore të Lirisë së Shtypit, Kosova renditet më së keqi në zonën e Ballkanit Perëndimor dhe Bashkimit Evropian.
© 𝗞𝗙𝗩𝗔 – 𝗮𝘁𝘆 𝗸𝘂 𝗳𝗷𝗮𝗹𝗮 ë𝘀𝗵𝘁ë 𝗽ë𝗿𝗴𝗷𝗲𝗴𝗷ë𝘀𝗶 𝗱𝗵𝗲 𝗲 𝘃ë𝗿𝘁𝗲𝘁𝗮 𝗻𝘂𝗸 𝗸𝗼𝗺𝗽𝗿𝗼𝗺𝗲𝘁𝗼𝗵𝗲𝘁 𝗸𝘂𝗿𝗿ë!