Të mërkurën e 23 prillit do të mbahet vazhdimi i seancës konstituive për zgjedhjen e Kryeparlamentarit.

Seanca do të mbahet në ora 10:00.

Pas seancës të së shtunës ku dështoi dy herë radhazi emri i Albulena Haxhiut i propozuar nga Lëvizja Vetëvendosje, në seancën e së hënës nuk u hodh në propozim fare.

Glauk Konjufca tha se duke parë deklarimet e partive tjera politike, do të ishte sërish situatë e njëjtë, ku s’do të votohej sërish emri i tyre i propozuar.

Ai kërkoi kohë shtesë, gjë që u miratua nga Kryesuesi i seancës, Avni Dehari, duke caktuar seancën për të mërkurën.