Shtatë persona janë arrestuar mëngjesin e së hënës në Kaçanik falë një aksioni të madh të Policisë së Kosovës, që kishte të bëjë me vrasjen e rreshterit Muhamed Lika.
Fillimisht u raportua për arrestimin e Rejhan Belës, 18-vjeçar, si i dyshuari kryesor për ekzekutimin e rreshterit Lika.
Gazeta dhe Agjencia e Lajmeve KFVA raporton me burime se personi tjetër i arrestuar është Fatmir B.
Në media është raportuar se në mesin e të arrestuarve janë një polic dhe një pjesëtar i FSK’së.
Prokuroria Themelore në Ferizaj dhe Policia e Kosovës do të dalin në një konferencë të përbashkët vetëm pas pak lidhur me rastin.