Pas raportimeve të shumta për disa takime mes kryetarit të Nismës Socialdemokrate, Fatmir Limaj, dhe atij të Vetëvendosjes, Albin Kurti, duket se më në fund ka marrëveshje për krijimin e institucioneve të reja, përcjell Gazeta KFVA.

Raportohet se Fatmir Limaj do të jetë sot kandidat i propozuar nga LV-ja për postin e kryeparlamentarit. Gazeta merr vesh se kjo është arritur pas një marrëveshje me Albin Kurtin.

Fatmir Limaj në kuadër të koalicionit me AAK-në ka fituar tre mandate në Kuvendin e Kosovës, ndërsa VV-ja ka 48 sosh.

Së bashku, VV dhe NISMA kanë 51 deputetë, ndërsa ende nuk dihet nëse ky koalicion mund të arrijë në kuotën prej 61 deputetësh për të zgjedhur kryetarin e Kuvendit dhe për ta zgjedhur edhe qeverinë e re.

Dje nga pakicat joserbe u konfirmua se 7 deputetë të pakicave do të votojnë për qeverinë e re, por kjo nuk do të ishte e mjaftueshme. Megjithatë, sot ka pasur zhvillime të reja sa i përket komunitetit joshumicë, meqë Veton Berisha dhe Duda Balje janë afër marrëveshjes me Kurtin