by kfvanews
Share
by kfvanews
Share
Vasfije Krasniqi, gruaja që para disa vitesh doli publikisht dhe foli për dhunën seksuale që kishte përjetuar gjatë luftës në Kosovë ka reaguar pas rrëfimit publik të Ramadan Nishorit.
Ajo ka thënë se i kujtohet dita kur e ka thirrë Nishori atë dhe e ka ndarë dhimbjen me të.
“I dashur Ramadan, E kujtoj qartë ditën kur më thirre për herë të parë, në vitin 2018, për të ndarë dhimbjen tënde me mua. Atëherë e ndjeva peshën e fjalëve tua dhe ashtu si atëherë, edhe sot, më kujtohen lotët e tu, lotë që flisnin më shumë se çdo fjalë. Në çdo bisedë tonën, në çdo takim, unë e ndjeja thirrjen tënde për drejtësi, për mirëkuptim, për shërim. Dhe atëherë, ashtu si sot, ta thashë me gjithë zemër: do të jem pranë teje, çdo ditë të jetës sime.”
Krasniqi ka thënë se do të jetë përkrahja më e madhe e Nishorit.
“Do të jem përkrahja jote më e madhe, jo sepse më ke zgjedhur, por sepse e meriton. Dhimbja dhe vuajtja jote nuk janë vetëm e kaluara jote, por një barrë që ti e ke kthyer në forcë dhe në zë për të gjithë ata që nuk mund të flasin ende.”
Ajo ka shtuar se Nishori është shembull për të gjithë dhe se përkulet para forcës së tij. Krasniqi ka falënderuar edhe familjen e Ramadan Nishorit që e përkrahu atë.
“Të jetosh në një shoqëri kaq patriarkale, ku burrat mësohen të heshtin, ku dhimbja maskohet me forcë dhe ku plagët nuk pranohen – dhe të marrësh guximin të dalësh para botës dhe të flasësh për dhunën seksuale që ke përjetuar – është një akt që frymëzon. Është një dritë në një rrugë të errët. Ti je shembull për gjithë ne, në këtë vend, në këtë kohë. Përkulem me respekt para forcës tënde, para vullnetit tënd për të mos u dorëzuar, për të luftuar për të vërtetën tënde. Faleminderit edhe familjes tënde, që u bë krah dhe mbështetje, që të qëndroi afër kur rruga ishte më e vështirë.”
Në fund Krasniqi ka thënë se shpreson që shoqëria ta trajtojë Nishorin me respekt dhe dinjitet.
“Ky rrugëtim, Ramadan, nuk është i lehtë. Është i mbushur me pengesa, me mosbesim, me stigma. Por është i domosdoshëm. Jo vetëm për ty, por për të gjithë ne. Shpresoj me gjithë zemër që shoqëria jonë të të trajtojë me respektin dhe dinjitetin që e meriton, dhe që shteti të njohë dhe të vlerësojë aktin tënd të guximshëm – sepse ajo që ke bërë ti sot është më shumë se rrëfim, është histori që do të ndryshojë jetë. Me respekt dhe përqafim të ngrohtë, Vasfije Krasniqi Goodman.”
Deputeti i LDK-së, Avdullah Hoti, ka dal me reagim pas dështimit të seancës konstituive të Kuvendit të Kosovës, shkruan KFVA. Hoti përmes një postimi ka deklaruar se “vendit i shërbehet duke respektuar Kushtetutën dhe ndarjen e pushteteve, duke treguar maturi politike në çdo rrethanë, duke treguar gjithmonë përkushtim ndaj interesit të shtetit, duke treguar gatishmëri
Kryetari i Aleancës për Ardhmërinë e Kosovës, ramush Haradinaj ka reaguar pasi sot ka dështuar seanca konstituive, shkruan gazeta dhe Agjencia e lajmeve KFVA, Haradinaj përmes një postimi i në llogarinë e tij në Facebook fajësojë Kurtin për bllokimin e konstituimit të Kuvendit. “Nuk mund të ulesh në dy karrige njëkohësisht. Ne nuk
Deputetja e zgjedhur e LDK-së, Hykmete Bajrami, tha se akuzat e partisë fituese për bllokim të Kuvendit nisën të bëhen në drejtim të tyre pas një bisede që doli në media ku ish-ministri Elbert Krasniqi fliste me “A.K” për krijimin e institucioneve e ku u përmenden “4 vota të Listës Srpska”. “Manovrat e Albin
52 vota kanë qenë të pamjaftueshme për të kaluar raportin e Komisionit për Verifikimin e mandateve. Partitë opozitare kanë kërkuar nga Kurti dhe ministrat e tij që të respektojnë ligjin dhe të japin dorëheqje formale nga pozitat e tyre, në mënyrë që të marrin mandatin e deputetit. Kjo ka çuar fillimisht në një
