Ish-kongresisti dhe ish-kreu i Ligës Shqiptaro-Amerikane, Joe DioGuardi, ka dhuruar bibliotekën e tij personale për Bibliotekën Presidenciale “Ibrahim Rugova”.

Njoftimi është bërë nga  kryetari i Prishtinës, Përparim Rama, i cili e ka cilësuar këtë akt si të jashtëzakonshëm. Rama ka thënë se me këtë veprim DioGuardi dëshmoi edhe një herë se përkushtimi dhe dashuria për shqiptarët nuk është një periudhë kalimtare, por një angazhim i vazhdueshëm.

Postimi i plotë:

Me një ndjenjë të thellë mirënjohjeje, shpreh falënderimet më të sinqerta ndaj Z. Joe DioGuardi për gatishmërinë e tij për të dhuruar bibliotekën e tij personale për Bibliotekën Presidenciale “Ibrahim Rugova”

Ky akt i jashtëzakonshëm është vazhdim i angazhimit të tij të palodhur për çështjen shqiptare dhe përkushtimit të tij në mbështetje të popullit shqiptarë

Falënderojmë Z. DioGuardi për këtë veprim të veçantë. Ai edhe njëherë dëshmoj se përkushtimi dhe dashuria për shqiptarët nuk është një periudhë kalimtare, por një angazhim i vazhdueshëm, që shkon përtej kufijve dhe kohëve.

Kjo trashigimi do të mbetet gjithmonë në zemrat dhe kujtesën e popullit shqiptar.

Përjetësisht mirënjohës