by kfvanews
Share
by kfvanews
Share
Një rreshter policor nga Kaçaniku ka mbetur i vdekur, si pasojë e të shtënave me armë zjarri mbrëmë. Lidhur me këtë rast ka reaguar Sindikata e Policisë së Kosovës.
Sindikata ka thënë se dënon atentatin kriminal që i mori jetën rreshterit në fjalë.
“Ky akt i rëndë është një atentat i drejtpërdrejtë ndaj sigurisë publike, ligjit dhe vetë shtetit të Kosovës. Çdo sulm ndaj një zyrtari policor është sulm ndaj Republikës së Kosovës!”, thuhet në reagimin e Sindikatës së Policisë së Kosovës.
Sindikata ka theksuar se Policia e Kosovës është shtylla kryesore e rendit dhe sigurisë në vend.
“Prekja e saj është përpjekje për të minuar themelet e shtetit tonë dhe nuk do të tolerohet. Sindikata e Policisë së Kosovës kërkon nga të gjithë akterët shtetërorë dhe institucionet e drejtësisë veprime të menjëhershme për zbardhjen e këtij akti kriminal dhe vënien para përgjegjësisë të autorëve”, thuhet tutje në reagim.
Më tej Sindikata ka shtuar se qëndrojnë të palëkundur në mbështetje të çdo pjesëtari të Policisë së Kosovës dhe nuk do të lejojnë që këto akte të frikësimit të lëkundin përkushtimin ndaj detyrës dhe Republikës.
“Nder dhe lavdi për sakrificën e Rreshter Muhamed Lika!”, thuhet në reagim.
Zëdhënësi i Policisë për rajonin e Ferizajt, Kanun Veseli tha për gazetën online Reporteri.net se po punojnë intensivisht për zbardhjen e rastit.
Veseli po ashtu shtoi se ende nuk dihen motivet e kësaj vepre të rëndë.
Rasti ndodhi mbrëmë rreth orës 23:00.
Rrethanat tjera të vdekjes janë akoma të paqarta.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i Policisë ka ndërruar jetë, kjo është konstatuar nga mjekët në këtë qendër”, deklaruan mbrëmë nga policia
Administrata e presidentit amerikan Donald Trump ka rikthyer fokusin diplomatik në Ballkan, duke dërguar një zyrtar të lartë për një vizitë zyrtare në tri shtete të rajonit – Bosnjë dhe Hercegovinë, Serbi dhe Kosovë. Brendan Hanrahan, zyrtar i lartë në Byronë për Çështje Evropiane dhe Euroaziatike në Departamentin e Shtetit, ka bërë të
Pas atij në Lipjan, Policia pritet të shkarkojë dy komandantë stacionesh – atë në Klinë dhe Suharekë
Kapiteni i Policisë në Lipjan, Argjend Gashi, është shkarkuar nga detyra nga Drejtori i Përgjithshëm i Policisë, në një lëvizje të menjëhershme që vjen pas ngjarjes tragjike të vdekjes së një 27-vjeçari në këtë komunë. Policia e Kosovës pritet të ndërmarrë një vendim drastik pas zhvillimeve të fundit me pasoja të rënda në
Presidenti i Shteteve të Bashkuara, Donald Trump, ka përmendur sërish rolin administratës së tij në zgjidhjen e kontesteve ndërkombëtare, përfshirë ato mes Kosovës dhe Serbisë. Trump deklaroi se gjatë mandatit të tij kishte ndërmarrë hapa për të shmangur konflikte të mundshme në disa pjesë të botës, mes tyre edhe Ballkani. “Kam arritur të
Kapiteni i Policisë në Lipjan, Argjend Gashi, është shkarkuar nga detyra nga Drejtori i Përgjithshëm i Policisë, në një lëvizje të menjëhershme që vjen pas ngjarjes tragjike të vdekjes së një 27-vjeçari në këtë komunë. Nga burime të Dukagjinit mësohet se në vend të tij është emëruar Brahim Shatrolli, një zyrtar nga Ferizaj,
