by kfvanews
Share
by kfvanews
Share
Një fluturim që transportonte më shumë se 200 pasagjerë nga Bali, Indonezi në Melburn, Australi u detyrua të kthehej pasi një pasagjere u përpoq të hapte me forcë derën e aeroplanit. Dhe një veprim të tillë ajo thuhet se deshi ta bënte ndërsa aeroplani fluturonte mbi Oqeanin Indian, tha në një deklaratë të martën kompania ajrore Jetstar, përcjell KFVA.
“Ne patëm një kthim në Denpasar (aeroporti i Balit) mbrëmë pasi një pasagjere u përpoq të hapte një nga dyert e aeroplanit dhe kishte abuzuar me ekuipazhin tonë”, ka thënë linja ajrore për incidentin të hënën mbrëma, 31 mars.
Pasagjerja u nxor nga aeroplani nga autoritetet lokale në Bali.
Sipas një videoje që qarkullon në mediat sociale, një grua në pjesën e pasme të aeroplanit arriti të ngrinte dorezën e derës përpara se një sinjal paralajmërues të lajmëronte ekuipazhin.
Ndërkohë të dhënat nga faqja e gjurmimit të fluturimeve Flightradar24 treguan se aeroplani u kthye mbi Oqeanin Indian rreth një orë pas fluturimit.
Jetstar nuk tha saktësisht se sa pasagjerë dhe ekuipazh ishin në aeroplanin që udhëtonte nga Bali në Melburn.
“Siguria dhe mirëqenia e klientëve dhe ekuipazhit tonë është prioriteti ynë kryesor dhe ne i falënderojmë ata për mënyrën se si iu përgjigjën situatës”, tha linja ajrore në deklaratën e saj.
“Kjo lloj sjelljeje e papranueshme nuk do të tolerohet kurrë në fluturimet tona”.
Incidente të pasagjerëve të padisiplinuar janë raportuar edhe në të kaluarën, duke përfshirë pasagjerët që kanë goditur dhe kafshuar stjuardesat, duke detyruar aeroplanët të devijojnë nga destinacioni i synuar.
Por autoritetet e aviacionit po shtrëngojnë dhe zbatojnë veprime më të rrepta.
Një aksident i rëndë raportohet të ketë ndodhur në aksin rrugor Sarandë-Delvinë, mbrëmjen e sotme, 24 gusht. Siç bën me dije Policia, dy vajza kanë mbetur të vdekura prej përplasjes së dy automjeteve, ndërsa një tjetër është plagosur rëndë. “Sot, rreth orës 20:15, në aksin rrugor Delvinë-Sarandë, shtetasi K. N., 23 vjeç, duke
Një person i moshës përreth 31-vjeçare ka humbur jetën, ku dyshohet se i njëjti ka marrë lëndime nga një lis. Ngjarja ka ndodhur në rajonin e Gollakut. Viktima është identifikuar si Lirim Gashi, i moshës rreth 31-vjeçare. Lajmin për vdekjen e të ndjerit e ka bërë të ditur zëdhënësi i Policisë për rajonin
Gjykata e Apelit e Juridiksionit të Përgjithshëm në Tiranë ka vendosur ta pezullojë dënimin me burg për ish-asamblistin e Komunës së Prishtinës dhe ish-pjesëtarin e Lëvizjes Vetëvendosje, Besnik Mujeci, i cili ishte dënuar për trafikim të lëndëve narkotike. Sipas vendimit, Mujeci dhe një i pandehur tjetër, Mithat Ramadani, do të lirohen me kusht
Një 31 vjeçar ka vdekur pasi nuk ka arritur t’u mbijetojë plagëve që mori nga rënia e një trungu druri, në rajonin e Gollakut. Zëdhënësi i Policisë së Kosovës për rajonin e Prishtinës, Enis Pllana, ka pohuar se e kanë pranuar informatën për një person të lënduar rreth orës 17:00, të dielën, përcjell
