kfvanews
Ministri i Mbrojtjes së Kosovës, Ejup Maqedonci, ka njoftuar se përmes FSK-së, Kosova do të jetë mikpritëse e ushtrimit më të madh ushtarak në Evropë, “Defender Europe 25/immediate Response”, shkruan Gazeta KFVA.
Në rrjetin social, Facebook, ministri ka shkruar se këto përgatitje për këtë ushtrim po zhvillohen sipas planit të paraparë, dhe shtoi se janë të bindur që realizimi i tij do të jetë i suksesshëm.
“Sot, në Mnelë të Shqipërisë, së bashku me Komandantin e FSK-së, Gjenerallejtënant Bashkim Jashari, vizituam ushtarakët tanë – konkretisht Togun e Mortajave të Regjimentit të Tretë të Këmbësorisë”.
“Kjo njësi po zhvillon stërvitjen e qitjes me mortaja 120 mm, në kuadër të ngritjes së aftësive luftarake të FSK-së dhe përgatitjeve për ushtrimin ‘Defender Europe 2025’”, shkroi Maqedonci, transmeton KFVA.
Maqedonci tha se gjatë vizitës rikonfirmuan se Ushtria e Kosovës është në nivel të atyre të NATO-s për nga përgatitja profesionale, motivi dhe pajisjet në armatim.
Postimi i plotë:
Republika e Kosovës përmes Forcës së Sigurisë së Kosovës do të jenë mikpritëse të ushtrimit më të madh ushtarak në Evropë, “Defender Europe 25/Immediate Response ”. Përgatitjet për këtë ushtrim po zhvillohen sipas planit të paraparë dhe jemi të bindur se realizimi i tij do të jetë i suksesshëm.
Sot, në Mnelë të Shqipërisë, së bashku me Komandantin e FSK-së, Gjenerallejtënant Bashkim Jashari, vizituam ushtarakët tanë – konkretisht Togun e Mortajave të Regjimentit të Tretë të Këmbësorisë. Kjo njësi po zhvillon stërvitjen e qitjes me mortaja 120 mm, në kuadër të ngritjes së aftësive luftarake të FSK-së dhe përgatitjeve për ushtrimin “Defender Europe 2025”.
Aty rikonfirmuam që ushtria jonë është në nivel të atyre të NATO’s për nga përgatitja profesionale, motivi dhe pajisjet në armatim!
Së bashku më të fortë!
