kfvanews
Presidenti amerikan Donald Trump është shprehur i nervozuar dhe i frustruar pas kërkesave të presidentit rus në raport me ndërrimin e qeverisë në Kiev, përcjell Gazeta Metro.
Trump kërcënoi se do të vendoste tarifa prej 50 për qind për vendet që blejnë naftën e Rusisë nëse nuk ndalet lufta në Ukrainë.
Ai i tha NBC News të dielën se Putini e di se është i zemëruar, por sërisht kanë “një marrëdhënie shumë të mirë”.
Putin përsëriti pretendimin e tij se Zelensky, mandati i të cilit skadoi vitin e kaluar, i mungon legjitimiteti për të nënshkruar një marrëveshje paqeje.
“Nëse nuk arrihet një marrëveshje dhe nëse mendoj se është faji i Rusisë, do të vendos sanksione dytësore ndaj Rusisë”, i tha Trump gazetares Kristen Welker, duke shtuar se do të kishte “një tarifë prej 25 deri në 50 pikë për të gjithë naftën”.
“Kushdo që blen naftë nga Rusia nuk do të jetë në gjendje të shesë produktin e vet, asnjë produkt, jo vetëm naftë, në Shtetet e Bashkuara”, tha presidenti Trump, duke njoftuar kështu Rusinë me pasojat që mund t’i ketë nëse nuk arrin një marrëveshje të paqes./
