Tre persona të vrarë brenda më pak se 24 orësh kanë mbetur në Vushtrri. Fillimisht të dielën një 19-vjeçar u qëllua për vdekje me armë zjarri nga një tjetër 19-vjeçar. E ditën e djeshme, një burrë e qëlloi me armë një grua e më pas edhe veten.

Por, çka dihet deri më tash?

Pronari i furrës e vrau ish-punëtoren e më pas veten

Në një nënkalim në fshatin Stanofc të Vushtrrisë, pronari i një furre dyshohet ta ketë qëlluar me armë zjarri ish-punëtoren.

Pavarësisht se ende nuk dihen rrethanat dhe as motivet e qarta, një familjar i viktimës ka thënë se dyshimet janë për xhelozi, pasi gruaja kishte shkuar të punojë në një furrë tjetër.

Para mediave ka folur njëri nga famijarët e gruas së vrarë në Vushtrri.

“Para një kohe kanë qenë punëtore e këtyre me gjithë bashkëshortin por rrethanat se si kanë ardhë deri te vrasja nuk i dijmë as ne si familje. Kërkojmë mirëkuptimin e juaj që familjarët të mos shqetësohen. Gruaja ka qenë rreth të 40-ave, probleme nuk ka pasë. Dhashtë Zoti të jetë viktima e fundit. Sipas një informate xhelozia se përse ke shku te një tjetër vend me punue dhe jo te unë.” – ka thënë ai.

Prokuroria në Mitrovicë nuk është lëshuar në detajet e ngjarjes, por që ka bërë të ditur se hetimet po vazhdojnë.

“Si pasojë e te shtënave dy persona kanë mbetur të vdekur në fshatin Stanoc të Vushtrrisë. Dyshohet se një burrë fillimisht e ka privuar nga jeta një grua, dhe pastaj ka bërë vetëvrasje. Në vendngjarje ka dalur prokurori kujdestar i PTH Mitrovicë. Në vendngjarje janë gjetur disa gëzhoja që dyshohet se janë përdorur në këtë krim. Janë duke u intervistuar dëshmitarë dhe në koordinim me policinë janë duke u hetuar të gjitha rrethanat që kanë quar në këtë ngjarje të rëndë”, thuhet në komunikatë.

Familjarët kanë kërkuar edhe nga mediat që të kenë kujdes dhe të mos e rëndojnë gjendjen e familjarëve.

Vrasja e 19-vjeçarit në Vushtrri

E të dielën, një 19-vjeçar u qëllua me armë zjarri për vdekje nga një bashkëmoshatar i tij.

Gjykata Themelore në Mitrovicë ia ka caktuar të dyshuarit masën e paraburgimit.

“Gjykata Themelore në Mitrovicë, Departamenti për Krime të Rënda e ka aprovuar kërkesën e Prokurorisë Themelore në Mitrovicë duke e caktuar masën e paraburgimit, në lëndën penale kundër të pandehurit B.D., me dyshimin e bazuar për veprat penale: Vrasje e rendë sipas nenit 173 paragrafi 1 nën paragrafi 1.5 të KPRK -së dhe Mbajtja në pronësi, kontroll ose posedim të paautorizuar të armëve nga neni 366 paragrafi 1 të KPRK-së. Masa e paraburgim të pandehurit B.D., i’u është caktuar në kohëzgjatje prej 1 (një) muaji”, thuhet në njoftim.

Rasti u raportua se ka ndodhur për motive të ulëta, dhe pas një konflikti në shkollë.

Megjithatë, xhaxhai i të