kfvanews
Kreu i Partisë Demokratike e Shqipërisë, Sali Berisha, ka paralajmëruar një reformë të gjerë brenda forcës që drejton, duke theksuar se pastrimi i strukturave të PD-së dhe lufta kundër korrupsionit janë prioritete.
“Pastrimi i shtëpisë është shtylla themelore e reformës tonë. Nuk mund t’u kërkojmë shqiptarëve të na besojnë, nëse nuk garantojmë transparencë dhe llogaridhënie brenda radhëve tona,” tha Berisha, duke theksuar se PD-ja duhet të riformatohet nga themelet.
Sa i përket luftës kundër korrupsionit, ai deklaroi se çdo qindarkë e vjedhur nga zyrtarët e korruptuar duhet të kthehet tek qytetarët. “Ne do të ndjekim çdo qindarkë të vjedhur. Çdo pasuri e ndërtuar mbi korrupsionin do t’u kthehet qytetarëve. Nuk do të ketë tolerancë për askënd,” tha ai.
Vet kreu i kësaj partie është një prej të dyshuarve në një rast të rëndë korrupsioni tash e sa kohë që po hetohet nga SPAK. Së fundi, para zgjedhjeve në Shqipëri brenda vet partisë kanë shpërthyer pakënaqësi nga eksponentë të shumtë për kurdisje të listave të kandidatëve për deputetë nga kryesia partiake me kriter të vetëm pëlqyeshmërinë e liderit.
