Sekretari i Mbrojtjes të SHBA-ve, Pete Hegseth, njoftoi një operacion të ri të quajtur “Shtiza Jugore” për të shtypur “narkoterroristët” në Hemisferën Perëndimore.
Misioni do të drejtohet nga Task Forca e Përbashkët “Shtiza Jugore” dhe Komanda Jugore e SHBA-ve (SOUTHCOM) me qëllim mbrojtjen e “Shteteve të Bashkuara, largimin e narkoterroristëve nga hemisfera jonë dhe mbrojtjen e atdheut tonë nga drogat që po vrasin popullin tonë”.
Presidenti venezuelian, Nicolaís Maduro, i bëri një thirrje publike presidentit të SHBA-ve, Donald Trump, duke i kërkuar të “bashkohet për paqen në kontinent”, gjatë një marshimi pro-qeveritar në Karakas.
“Jo luftërave të përjetshme, jo luftërave të padrejta, jo Libisë, jo Afganistanit. Rroftë paqja!” deklaroi Maduro, duke iu drejtuar Shteteve të Bashkuara të Amerikës.
I pyetur nëse kishte një mesazh për Trump, udhëheqësi “çavist” u përgjigj: “Po, paqe! Po, paqe!”, duke përsëritur se nuk është i shqetësuar për një agresion të mundshëm ushtarak: “Ne jemi të zënë duke qeverisur me paqe”.